ОАВ: КХДР мамлакатнинг ўғирланган фуқаролари оила аъзоларини Сеулга юборади

КХДР Жанубий Корея махсус хизматлари агентлари томонидан Хитойда ўғирлаб кетилган фуқароларининг оила аъзоларини Сеулга юборишни режалаштирмоқда. Бу ҳақда «ТАСС» хабар беради.

Пхеньяннинг маълум қилишича, КХДРнинг 13 нафар фуқароси Хитойнинг Чжэцзян провинциясида ўғирлаб кетилган. Улар ўз хоҳишига қарши Жанубий Кореяга юборилган ва у ерда қўриқлов остида сақланмоқда.

КХДР Қизил Хоч Жамияти раиси Ли Чун Бокнинг маълум қилишича, Жанубий Корея ҳукумати уларни қочоқлар сафига киритиб, ватанига қайтаришни рад қилмоқда. Бундай шароитда Жамият ўғирланганларнинг оила аъзоларини улар билан учрашиш учун Пханмунчжом назорат-ўтказиш пункти орқали Сеулга юбориш режаси ҳақида маълум қилган.