Гватемалада автобуснинг юк машинаси билан тўқнашуви оқибатида 7 киши ҳалок бўлди

Гватемала жануби-ғарбида автобус ва юк машинасининг тўқнашуви натижасида етти киши ҳалок бўлди, 30 киши жароҳат олди. Бу ҳақда Ultimas Noticias янгиликлар портали маълумотига таяниб, «РИА Новости» хабар беради.

Агентликнинг маълум қилишича, ҳодиса Сучитепекес департаментининг Куйотенанго ҳудудида юз берган.

Қутқарувчиларнинг маълум қилишича, қурбонлар орасида ўн ёшли қизча ҳам бор.

Гувоҳларнинг сўзларига қараганда, катта тезлик билан ҳаракатланаётган автобуснинг ҳайдовчиси бошқарувни йўқотиб, қарама-қарши йўналишда келаётган юк машинасига урилган.