Сизда ғоя пайдо бўлиб, уни амалга оширишга киришганингиздан кейин қилиш керак бўлган биринчи нарса — ҳамтаъсисчини топиш. Барчасини мустақил равишда қилишга уриниб ўтирманг: малака ва вақтингиз етарли бўлмайди.
Аслида, бир нечта лойиҳаларни амалга ошириб, муваффақият қозонган бизнесменлар фикрича, стартап жамоасида турли масъулиятга эга бўлган 2—3 нафар асосчи бўлиши керак. Биринчи асосчи маркетинг, савдо ва бизнесни ривожлантиришни (business development) яхши билиши керак. Иккинчиси — CTO (Chief Technical Officer) яхшигина техник бекграунд ва профилли иш тарихига эга бўлиши керак.
Асосчиларда ҳамкорликда ишлаш бўйича тажриба бўлса — бу жуда катта ютуқ. Сиз биргаликда ишлаш чоғида ўзингизни қулай ҳис қилишингиз, майда-чуйдалар учун жанжаллашмаслигингиз ҳамда лойиҳага умумий назар билан қарашингиз керак. Асосчиларда стартап ғоясига нисбатан қизиқиш бўлиши керак.
Ўзбекистонда стартап учун жамоаларни қаердан топиш мумкин? Барчамизга маълумки, бизда IT соҳасида малакали кадрлар жуда кам.
- Профилли тадбирларга боринг. Барчани ҳар ойда ўтказиладиган Startup Mix анжуманига таклиф қиламиз. У ерда 150 нафар тингловчи орасидан жамоангизга тўғри келадиган кишиларни топишингиз аниқ. Дастурчиларни эса бизда яқинда ўтказила бошлаган хакатонларда топиш мумкин.
- Facebook’дан фойдаланинг, иш қидириш бўйича профил гуруҳларига, стартаплар ҳақидаги гуруҳларга (Tashkent Developers Jobs) қўшилинг. Масалан, бизда Ўзбекистондаги стартапларга инвестиция киритиш масалалари муҳокама қилинадиган гуруҳ бор. Аъзо бўлинг, инвестор топиш мумкин!
Мақолани тайёрлашда қуйидаги манбадан фойдаланилди: http://rusbase.com/howto/gde-najti/
Лойиҳа «Дарё» ва StartupFactory.uz томонидан ишга туширилган.
Изоҳ (0)