Малайзия қирғоқлари яқинида чўкиб кетган муҳожирлар тўла қайиқ қурбонлари сони 61 кишига етди. Бу ҳақда «РИА Новости» хабар бермоқда.
Бортида 80 га яқин муҳожир бўлган ёғоч қайиқ Малакка бўғозининг Сабак Бернам шаҳрига яқин қисмида чўкиб кетган. Полиция тахминига кўра, қайиқдаги муҳожирлар Малайзиядаги бўғоз орқали Индонезияга етиб олиш ниятида бўлган.
Маҳаллий полиция маълумотига кўра, ҳозиргача 12 кишининг шахси аниқланган, улар орасида бир бола ҳам бор. 7 сентябрь, душанба куни тонгдан қидирув-қутқарув операцияси қайта бошланган.
Аввалроқ, қайиқ ҳалокатидан омон қолган 20 киши индонезиялик ноқонуний муҳожирлар экани ҳақида хабар берилган эди. Полиция уларни қўлга олган ва тергов олиб бормоқда.
Изоҳ (0)