19 март куни Тошкент шаҳри Юнусобод туманидаги Discovery дўконида Муниса Ризаеванинг янги альбомлари — қўшиқлар ва концерт дастури диски тақдимоти бўлиб ўтди, деб ёзади «Sayyod.com». Унда хонанда ўз мухлислари ҳамда журналистлар саволларига жавоб берди.

Янги альбомида нимага урғу бериши ҳақидаги саволга жавоб берар экан, Муниса бу йилги альбомидан жой оладиган қўшиқларнинг сўзларига алоҳида эътибор қаратаётгани, чунки қўшиқ аввало унга асос қилиб олинган шеър маъносига боғлиқ эканлигини таъкидлади. Ўзининг айтишича, Муниса айни пайтда ўзбек тилини чуқур ўрганиш учун репетиторга қатнамоқда ва ҳозиргача яхши натижаларга эришди.

Хонанданинг мухлисларидан бири рус тилида гапирадиганлар унинг қўшиқлари матнини рус ёки бошқа тилларда қаердан топиши мумкинлигини сўраганида, Ризаева уларга ўзбек тилини ўрганишни маслаҳат берди. «Ўзбекистонда яшаб туриб ўзбек тилини билмаслик яхши эмаслиги»ни таъкидлади.