Сузиш бўйича уч карра Олимпия чемпиони – франциялик Лор Маноду Париж яқинидаги Диснейленд истироҳат боғида эсдалик совға ўғирлаётганда қўлга тушди, деб хабар бермоқда «Интерфакс».
Қайд этилишича, 28 ёшли спортчи Диснейлендга бир дугонаси ва 4 ёшли ўғли билан борган. Эсдалик совғалар дўконларидан бирида уларни хавфсизлик хизмати ходимлари тўхтатиб, сумкаларини текширган. Манодунинг сумкасидан 200 евролик, дугонасининг сумкасидан эса 300 евролик эсдалик совғалар топилган.
Аёллар полиция участкасига олиб борилган. Бироқ ҳуқуқни муҳофаза қилувчи органлар ходимлари суриштирув ўтказгач, улар қўйиб юборилган. Маноду ўзининг Facebook’даги саҳифасида ўғрилик ҳақидаги хабарни туҳмат деб атаган.
Изоҳ (0)