Samsung компанияси Galaxy Golden смартфонининг давомчиси сифатида Galaxy Golden 2 смартфонини тақдим этиши мумкин. Бу ҳақда Phonearena.com маълумотига асосланиб «Пароль» нашри хабар берди.

Galaxy Golden 2 смартфонида иккита 4,6 дюйм 1280×768 пикселли диплей мавжуд — улардан бири смартфоннинг ташқи томонида, иккинчиси эса клавиатуранинг қаршисида жойлашган. Шунингдек, унда 2,5 ГГц частотага эга тўрт ядроли Snapdragon 805 процессори, Adreno 330 видеокартаси, 2 Гб тезкор хотира, 2 мегапикселли олд ва 16 мегапикселли орқа камера, Android 4.4 операцион тизими ўрнатилади. Ёмон эмас-а? :)

Ушбу смартфоннинг батарея ҳажми ва ички хотираси ҳақида ҳозирча маълумотлар йўқ. Аммо Galaxy Golden’да 1820 мА·соат қувватга эга батарея ва кенгайтириш мумкин бўлган 16 Гб ички хотира ўрнатилган бўлган. Smartфон иккита microSIM-картада ишлай олади.