2014 йилнинг биринчи чорагида дунё бозорига планшет етказиб бериш бўйича Samsung ва Apple компаниялари ўртасидаги фарқ 9 фоизгача қисқарди. Бу ҳақда ABI Research таҳлил компанияси ўз ҳисоботида маълум қилди.
Ўтган йили компаниялар ўртасидаги «масофа» 30 фоизга тенг эди. Ўшандан буён Samsung планшетлари ҳиссаси ушбу категориядаги маҳсулотлар ичида 11 фоизга ўсиб, 30 фоизгача етди. Apple эса ўзининг бозордаги ҳиссасини 10 фоизга камайтириб, 40 фоизгача туширди.
2014 йилнинг биринчи чораги якунларига кўра, Apple жаҳон планшетлар бозорида 16,4 миллион дона маҳсулот сотиб, биринчиликни сақлаб қолди. Бу ўтган йилнинг шу давридан 16 фоизга камдир.
Ундан кейинги ўринда кетаётган Samsung 13 миллионта қурилма сотди. 2,1 миллионта қурилмани жаҳон бозорига етказиб берган Asus эса учинчи поғонани банд этди.
Бундан ташқари, биринчи чоракда сотилган планшетларнинг 56 фоизини Android-планшетлар, 40 фоизини iPad’лар ташкил этди.
Изоҳ (0)