«Барселона» ҳужумчиси Лионел Месси Испания чемпионатида ғалаба қозониш учун иштиёқи баланд эканини айтиб ўтди, деб ёзади Uff.uz.
«Биз чемпионатда ғалаба қозониб, уни Тито Виланованинг хотирасига бағишлашни истаймиз. У биз чемпион бўлишимизни орзу қилган эди. У бу клубни жуда яхши кўрар эди. У биз билан фахрланган бўлар эди.
Чемпионатдаги ғалаба жуда муҳим, чунки бу йил жуда оғир келди. Клуб бир неча йил давомида оғир дамларни бошдан кечирди ва яна биринчи бўлиш ажойиб бўлар эди. Билмадим бу ғалаба мавсумни қутқарадими, аммо соврин биз учун жуда муҳим», — дейди Месси.
Эслатиб ўтамиз, «Барселона»нинг собиқ мураббийи Тито Виланова 2014 йил 25 апрель куни 45 ёшида вафот этган эди.
Изоҳ (0)