Toshkent metropoliteniga Rossiyaning “Metrovagonmash” kompaniyasidan 12 ta yangi vagon olib kelinishi kutilmoqda. Bu haqda Moskva viloyati gubernatori Andrey Vorobyov ma’lum qildi.
Uning bildirishicha, “Metrovagonmash” o‘tgan yili Toshkent metropoliteni uchun 44 ta vagon jo‘natgan. 2024-yil iyun oyi oxirigacha yana 12 ta vagon jo‘natiladi. 2024—2025-yillarda yana 60 ta vagon yetkazib berish bo‘yicha shartnoma tayyorlanmoqda.
“O‘zbekiston–2030” strategiyasining barqaror iqtisodiy o‘sish orqali aholi farovonligini ta’minlash yo‘nalishi bo‘yicha 2024-yilga mo‘ljallangan amaliy tadbirlar rejasida Toshkent jamoat transporti tizimini rivojlantirish ham ko‘zda tutilgandi. Unda Toshkent metropoliteni uchun 11 ta yangi metro poyezdini (44 ta vagon) xarid qilish belgilangandi.
Fevral oyida o‘rt vagonli yangi 3 ta metro harakat tarkibi olib kelindi. Aprel oyida esa yana to‘rt vagonli ikkita yangi metro poyezdlari keltirildi.
Izoh (0)