Dunyoning birinchi raqamli shaxmatchisi, norvegiyalik grossmeyster Magnus Karlsen sunʼiy intellekt asosidagi ChatGPTʼga qarshi dona surib, g‘alaba qozondi. Bu haqda Karlsen o‘zining X (sobiq Twitter) tarmog‘idagi sahifasida ma’lum qildi.
Unga ko‘ra, shaxmatchi va sun’iy intellekt belgilangan vazifani bajarishi kerak edi. Ya’ni o‘yin davomida ishtirokchilar raqibning hamma piyodalarini bitta ham sipoh bermasdan yutib olish edi. Karlsen birorta figurasidan ayrilmay, ChatGPT’ning piyodalarini yutib oldi va belgilangan shartlarini to‘liq bajardi. ChatGPT bu natijadan so‘ng: “men taslim bo‘ldim” deb eʼlon qilib, Karlsenning o‘yinini “metodik, tiniq va aniq” deb baholadi.
AI tomonidan berilgan tahlilga ko‘ra, Karlsenning o‘yini quyidagi jihatlari bilan ajralib turgan:
- shaxmat partiyasining boshida (ya’ni ochilish fazasida) raqibga qarshi oldindan yaxshi tayyorgarlik ko‘rgan;
- pozitsion sabr-toqati yaqqol sezilgan;
- taktik o‘yin va vaqt tanlovi hal qiluvchi pallalarda ustunlik bergan;
- yakuniy bosqichdagi aniqlik esa kichik ustunlikni to‘liq g‘alabaga aylantirgan;
I sometimes get bored while travelling pic.twitter.com/MmkEeCg0Xn
— Magnus Carlsen (@MagnusCarlsen) July 11, 2025
Shuningdek, ChatGPT Magnus Karlsenning shaxmat darajasini klassik reyting bo‘yicha 1800–2000 atrofida deb baholagan. Bu ko‘rsatkich USCF (AQSh Shaxmat Federatsiyasi) yoki FIDE reyting tizimiga ko‘ra, o‘rtacha kuchli havaskor yoki yarim-professional darajaga to‘g‘ri keladi.
Izoh (0)