Reper Eminem Facebook, Instagram va WhatsApp kabi platformalarga egalik qiluvchi Meta kompaniyasi bilan jiddiy nizoga kirishgan. Reperning Eight Mile Style nashriyoti Meta platformasiga qarshi sudga murojaat qilib, ularni san’atkorning mualliflik huquqini buzishda ayblagan.
Hujjatlarda qayd etilishicha, Meta kompaniyasi yulduzning katalogidan 243 ta trekni noqonuniy ravishda saqlab, foydalangan. Bu ishlar litsenziya yoki mualliflik huquqiga rioya qilmasdan amalga oshirilgan, deb taxmin qilinmoqda. Ayniqsa, Original Audio va Reels kabi funksiyalar shubha ostida, chunki da’vogarlar fikricha, ular foydalanuvchilarni musiqani ruxsatsiz olib, videolarda ishlatishga undaydi.
Kompaniya mualliflik huquqlarining qadrsizlanishi, yo‘qotilgan daromad va Meta’ning qo‘shiqdan foydalanib topgan daromadlari uchun 109 million dollar kompensatsiya talab qilmoqda. Yoki Eminem har bir qo‘shiq uchun 150 ming dollar to‘lashlarini so‘ragan. Meta hozircha bu masalaga izoh bermagan.
Izoh (0)