D23 ko‘rgazmasida Disney filmning yangi konsept-artlarini taqdim etdi. Ularda o‘smir yoshiga yetgan Migel o‘zining sevimli iti Dante bilan birga tasvirlangan. Shuningdek, kompaniya Pixar sikveli 2029-yilning noyabr oyida prokatga chiqishini va Benjamin Brett Ernesto de la Kruz rolini ijro etish uchun qaytishini ma’lum qildi.
O‘liklar kunini nega quvonch bilan nishonlashadi? “Koko siri” multfilmi haqida
Birinchi “Koko siri” multfilmi 2017-yilda kinoteatrlarda namoyish etilgan va tanqidchilar va tomoshabinlar ham tomonidan xit asar sifatida e’tirof etilgan. U dunyo prokatida 800 million dollardan ortiq mablag‘ to‘plab, ikkita “Oskar” mukofotini qo‘lga kiritdi: “Eng yaxshi animatsion film” va “Remember Me” nomli “Eng yaxshi original qo‘shiq” uchun.
“Koko siri 2” – Pixar studiyasining navbatdagi sikveli bo‘lib, uning ijodkorlari studiyaning so‘nggi o‘n yilliklardagi eng katta yutuqlaridan unumli foydalanishga umid qilmoqda. Studiyaning so‘nggi relizlari qatorida dunyo bo‘ylab 1 milliard dollardan ko‘proq daromad keltirgan “O‘yinchoqlar tarixi 5” va “Boshqotirma 2” kabi filmlar bor. Studiyaning keyingi sikveli – “Superoila 3” bo‘lib, uning premyerasi 2028-yilga rejalashtirilgan.
