“Hayvonlar shahri” multfilmning ikkinchi qismi Gollivud tarixidagi eng daromadli loyihalar o‘ntaligiga kirdi. Ekranlarga chiqarilganidan buyon ushbu multfilm 1,7 milliard dollar mablag‘ to‘pladi. Ilgari bu o‘rinni 1,69 milliard dollarlik daromad bilan “Boshqotirma 2” egallagan edi.
Hozirda Nik va Judidan faqat Jeyms Kemeron loyihalari, Marvel kino olami, “Yulduzlar jangi” va “Nachja ajdarlar shohini mag‘lub etadi” filmlari yuqorida.
Tarixdagi eng yuqori daromad keltirgan kino asarlarining to‘liq ro‘yxati quyidagicha:
1. “Avatar” (2009) — 237 mln dollar byudjet bilan 2,923 mlrd dollar;
2. “Qasoskorlar: Final” (2019) — 356 mln dollar byudjet bilan 2,799 mlrd dollar;
3. “Avatar: Suv yo‘li” (2022) — 350 mln dollar byudjet bilan 2,32 mlrd dollar;
4. “Titanik” (1997) — 200 mln dollar byudjet bilan 2,264 mlrd dollar;
5. “Nechja ajdarlar shohini mag‘lub etadi” (2025) — 80 mln dollar byudjet bilan 2,15 mlrd dollar;
6. “Yulduzlar jangi: Qudrat uyg‘onishi” (2015) — 245 million dollarlik byudjet bilan 2,071 milliard dollar;
7. “Qasoskorlar: Cheksizlik jangi” (2018) — 2,052 mlrd dollar, byudjet 321 mln dollar;
8. “O‘rgimchak odam: Uyga yo‘l yo‘q” (2021) — 200 mln dollar byudjet bilan 1,922 mlrd dollar;
9. “Hayvonlar shahri 2” (2025) — 150 mln dollar byudjet bilan 1,7 mlrd dollar;
10. “Boshqotirma 2” (2024) — 200 mln dollar byudjet bilan 1,698 mlrd dollar.
