Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola qilamiz.
Turk aktrisasi Melisa Asli Pamuk turmush o‘rtog‘i va o‘g‘li bilan hordiq chiqarayotgan suratini postga joyladi.
Aktrisa Durdona Qurbonova Tataristonning Qozon shahridan suratlarini obunachilari bilan bo‘lishib bormoqda.
Aktyor Azamat Ahrorov rafiqasiga kutilmagan syurpriz qildi. U ayolining mashinasini uy qurish uchun sotib yuborgach bir muddat o‘tib, xorijda ishlab chiqarilgan avtomobil olib berdi.
Aktrisa Mavluda Hikmatova tug‘ilgan kunini ilk marta volidasisiz o‘tkazayotgani, onasi u uchun ham ota, ham ona bo‘lganini aytib, obunachilaridan uning haqqiga duo qilishlarini so‘radi.
Jahongir Otajonov yozning chillasi bo‘lishiga qaramay, yangi qo‘shig‘iga noodatiy obrazda klip suratga oldirmoqda.
Megayulduz Jennifer Lopes 56 yoshni qarshiladi va bu yilgi tug‘ilgan kunini Turkiyaning Antaliya shahrida nishonladi.
Marhum qiziqchi Hojiboy Tojiboyevning qizi Madinaning fotiha to‘yi bo‘lib o‘tdi. U unashtiruv marosimidan lavhalarni muxlislari bilan bo‘lishdi.
Aktrisa Oydin Yusupova yangi suratini muxlislari bilan bo‘lishdi.
Munisa Rizayeva farzandining ismini va yuzini ommadan yashirib kelardi. Lekin Stories’larining birida u tasodifan o‘g‘lining yuzini ko‘rsatib qo‘ydi.
