“Real Madrid” hujumchisi Kilian Mbappe jamoadoshi Vinisius Juniorning jamoa uchun qanchalik muhimligini ta’kidlab o‘tdi. Bu haqda futbolchi AS nashriga bergan intervyusida aytib o‘tdi.
Uning fikricha, “qirollik klubi”ni Vinisiussiz tasavvur qilish qiyin:
Men uchun “Real Madrid”ni Vinisiz tasavvur qilish qiyin. Har doim u bilan hamda jamoamizdagi boshqa futbolchilar bilan birga to‘p surishni orzu qilganman.
Biz Vini bilan maydonda bir-birimizni juda yaxshi tushunamiz, buni yanada yaxshilashimiz mumkin. Bizdan ko‘proq narsa kutishadi — bu tabiiy holat.
Puldan-da qimmatli narsalar bor. Men “Real”da o‘ynashni, “Santyago Bernabeu”da maydonga tushishni orzu qilganman. Men uchun eng muhimi — sovrinlar yutish. Bu yerda o‘ynashimga hech qachon shubha qilmaganman. Bolalikdagi orzum ushalishini bilar edim, deydi futbolchi.
Mbappe 2024-yil yozida “Real Madrid” safiga qo‘shilgan. Bungacha u “Monako” va “PSJ” jamoalarida to‘p surgan va Fransiya chempionatida 7 marta g‘oliblikni qo‘lga kiritgan. “Qirollik klubi” bilan esa UEFA Superkubogini yutishga erishgan.
Joriy mavsumda 26 yoshli futbolchi barcha musobaqalarda 46 o‘yin o‘tkazib, o‘z hisobiga 32 ta gol va 4 ta assist yozdirib qo‘ygan.
Izohlar
Izoh qoldirish uchun, avval