Avvalroq Toshkent shahar Olmazor tumanidagi “Chorsu” bozorida do‘konlardan birida yong‘in chiqqani haqida xabar berilgan edi.
Unda 8-aprel kuni Toshkent shahar Olmazor tumani, Saqichmon ko‘chasida joylashgan do‘konda yong‘in sodir bo‘lgani, yong‘in zudlik bilan o‘chirilgani aytilgan edi. Yong‘in oqibatida halok bo‘lgan va jabrlanganlar yo‘qligi ham ilova qilingan.
“Daryo” voqea joyidan ushbu ko‘ngilsiz hodisa suratlarini ulashadi.
So‘nggi vaqtlarda sodir bo‘lgan yong‘inlar
2024-yilning 13-oktyabr kuni Yunusobodda yangi qurilayotgan binoning tomi yonib ketgandi. 16-oktyabrda esa Mirobod tumanida joylashgan “Miran” mehmonxonasining qurilishi davom etayotgan eski binosida yong‘in chiqdi.
Shuningdek, 20-oktyabr kuni soat 16:54 da Shayxontohur tumanidagi “Bildirish” tor ko‘chasida joylashgan xonadonlarda yong‘in sodir bo‘ldi.
20-noyabr kuni Toshkent shahar Mirzo Ulug‘bek tumani, “Lashkarboshi” MFY Niyozbek yo‘li ko‘chasida joylashgan umumiy ovqatlanish joyining dudburonida yong‘in sodir bo‘ldi.
31-dekabr kuni Chilonzor tumanidagi ovqat tayyorlash joyida yong‘in sodir bo‘lgan edi.
2025-yil 25-fevral kuni Toshkent shahrining Yashnobod tumani, Aviasozlar 4-dahasida joylashgan avtomobillar yuvish joyida yong‘in sodir bo‘lgandi.
Izoh (0)