Sankt-Peterburg shahrida Qirg‘izistonning uch fuqarosi 19 yoshli o‘zbekistonlikni o‘g‘irlab ketdi. Bu haqda “78.ru” xabar berdi.
Ma’lum qilinishicha, o‘g‘rilik Fontanka daryosi qirg‘og‘ida sodir bo‘lgan, o‘g‘rilar o‘zbekistonlikni o‘ldirish bilan tahdid qilib, undan 220 ming rubl (taxminan 227 dollar) undirgan. Holat yuzasidan O‘zbekiston fuqarosi politsiyaga murojaat qilgan. U noma’lum uch kishi uni taksiga o‘tqazib, to‘pponcha bilan tahdid qilganini aytgan.
Politsiya haydovchilik qilayotgan Qirg‘iziston fuqarosini gumonlanuvchi sifatida ushlagan, keyinchalik yana ikki nafari qo‘lga olingan. Holat yuzasidan jinoiy ish ochilgan.
