Uzbekistan Airways tomonidan Toshkent – London yo‘nalishi bo‘yicha parvozlar amalga oshirilayotganida yo‘lovchilarga ikki aeroport – Heathrow Airport va London Gatwick Airport orasidan birini tanlash imkoniyati taqdim etiladi. Sizlar uchun aviachiptalar narxlari hamda avaqatnovlar jadvali haqida batafsil ma’lumot tayyorladik.
Buyuk Britaniya poytaxti o‘zining me’moriy durdonalari, jahon darajasidagi muzeylari, teatr sahnalari va xilma-xil oshxonasi bilan mashhur. Bu yerda afsonaviy Big-Benni ko‘rish, Bukingem saroyiga tashrif buyurish, London Eye attraksioni orqali shahar manzarasidan bahramand bo‘lish yoki Tower ko‘prigida sayr qilish mumkin. San’at ixlosmandlari Milliy galereya va Britaniya muzeyidan zavq olsalar, xarid qilishni sevuvchilar Oksford strit va Kovent Garden hududida istagan narsalarini topa oladilar.
Uzbekistan Airways sizga qulaylik yaratish maqsadida Toshkent – London – Toshkent yo‘nalishi bo‘yicha haftasiga uch marta parvozlarni taklif etadi. Xitrou aeroportiga parvozlar seshanba va juma kunlari quyidagi jadvalga muvofiq amalga oshiriladi:
• Toshkentdan jo‘nab ketish 13:10, Toshkent vaqti bilan;
• Londonga yetib borish 16:25, London vaqti bilan;
• Londondan jo‘nab ketish 18:00, London vaqti bilan;
• Toshkentga yetib kelish 06:20, Toshkent vaqti bilan.
Londondagi Gatwick aeroportiga parvozlar yakshanba kunlari quyidagi jadval asosida amalga oshiriladi:
• Toshkentdan jo‘nab ketish 13:15, Toshkent vaqti bilan;
• Londonga yetib borish 16:30, London vaqti bilan;
• Londondan jo‘nab ketish 18:00, London vaqti bilan;
• Toshkentga yetib kelish 06:25, Toshkent vaqti bilan.
Aviachiptalarning bir tomonlama narxi 4 180 000 so‘mdan, Toshkent – London – Toshkent yo‘nalishi bo‘yicha esa 9 555 000 so‘mdan boshlanadi.
Aviachiptalarni booking.uzairways.com saytidan, Uzbekistan Airways mobil ilovasidan, Uzbekistan Airways Sales filiali hamda aviakompaniyaning rasmiy agentlaridan xarid qilishingiz mumkin.
Reklama huquqi asosida.
Izoh (0)