“Real Madrid” hujumchisi Kilian Mbappe klub bilan barcha sovrinlarni yutish niyati borligini aytdi.
Kecha madridliklar Qitʼalararo kubogi finalida “Pachuka”ni 3:0 hisobida mag‘lub etib, chempion bo‘lgandi. Uchrashuvdagi ilk golni fransiyalik hujumchi urgan.
“Futbolda sovrinlar – eng asosiysi. Sovrinlarga ega chiqish uchun gollar muhim, ammo jamoa – har doim barchasidan ustun. Biz juda muhim sovrinni qo‘lga kiritdik. Qo‘lga kiritish mumkin bo‘lgan 7 sovrindan ikkitasiga ega chiqdik. Oradagi tanaffusdan qaytib, Ispaniya Superkubogini yutishga harakat qilamiz. Qolgan sovrinlar ham juda muhim, lekin hozirgi imkoniyatlardan foydalanish kerak. Qolgan beshta sovrinni qo‘lga kiritish uchun ham hozirgidek g‘alabaga chanqoq bo‘lishimiz lozim”, deydi Mbappe.
“Real Madrid” avgustda Yevropa Superkubogi uchun bahsda “Atalanta”ni 2:0 hisobida mag‘lub etgan o‘yinda ham Kilian gol urgandi.
Izoh (0)