“Real” klubining 19 yoshli vingeri Arda Gyulerga “Arsenal” va “Liverpul” qiziqish bildirmoqda. Bu haqda Caught Offside xabar qilmoqda.
Manba bergan ma’lumotga ko‘raa, turkiyalik futbolchi o‘yin amaliyoti kamligi tufayli ispan grandini tark etishi mumkin. “Liverpul” hujumchisi Muhammad Salohning klubdagi kelajagi noaniq bo‘lgan bir sharoitda Gyuler jamoaga foydali bo‘lishi mumkin, deb hisoblamoqda. “Arsenal”19 yoshli futbolchi Bukayo Saka o‘ynayotgan pozitsiyani mustahkamlashiga ishonmoqda.
Joriy mavsumda Gyuler barcha turnirlarda 11 ta o‘yinda qatnashdi, ammo samarali statistika qayd etmadi. Futbolchining klub bilan tuzilgan mehnat shartnomasi 2029-yilning yoziga qadar amal qiladi. Transfermarkt ma’lumotlariga ko‘ra, futbolchining bozor narxi 45 million yevroni tashkil qiladi.
