Futbol bo‘yicha Yevropa Chempionlar Ligasining 4-turida “Real” “Milan”ga 1:3 hisobida mag‘lub bo‘ldi.
Madridliklar bosh murabbiyi Karlo Anchelotti ushbu mag‘lubiyatdan so‘ng o‘z mulohazalarini bildirib o‘tdi.
“Mening ishim bilan bog‘liq shubha? Menimcha, bu normal holat. Jamoa o‘zining eng yaxshi formasiga yetmadi va bunda hammamiz aybdormiz.
Barchamiz mas’uliyatni bo‘ynimizga olishimiz lozim. Chunki g‘alabada ham xuddi shunday qilamiz. Hozir kurashadigan payt. Bunday holatlar esa bizning yanada kuchli bo‘lishimizga sababchi bo‘ladi”, — Anchelottining so‘zlaridan iqtibos keltiradi AS.
Ayni damda “Real” Chempionlar Ligasining jadvalida 6 ochko bilan 17-o‘rinda bormoqda. “Milan” esa xuddi shuncha ochko bilan 18-pog‘onani band etgan.
