Futbol bo‘yicha Fransiya va Rossiya chempionatlarida navbatdagi tur bahslari bo‘lib o‘tdi.
8-tur bahsida “Lans” safarda “Sent-Eten” bilan o‘ynadi va muhim 3 ochkoni qo‘lga kiritdi.
Abduqodir Husanov o‘yinni asosiy tarkibda boshlab, to‘liq to‘p surdi. Ushbu g‘alabadan so‘ng “Lans” jamoasining ochkolar soni 14 ta yetdi va ular 5-o‘ringa ko‘tarilib oldi.
Bu safar Abduqodir Husanov himoyada ishonchli harakat qilish bilan birga o‘ng qanotda hujumlarda ham faol ishtirok etdi. Sofascore nashri uning o‘yinini 7,5 ballga baholadi. Ushbu bahsda qatnashgan so‘nggi himoyachi Danso va gol muallifi Kulusevski undan ko‘proq ball olgan. Bu borada Husanov — uchinchi.
Rossiya Premyer Ligasining 12-turi doirasida “SSKA” Maxachqal’aga safar qildi.
“Dinamo”ga qarshi o‘yinda Temirlan Musayev tomonidan kiritilgan yagona gol Moskva klubiga g‘alaba keltirdi. Ushbu bahsda Abbosbek Fayzullayev 70 daqiqa harakat qildi.
G‘alabadan so‘ng “SSKA” 23 ochko to‘pladi va turnir jadvalida 4-o‘rinda bormoqda.
Ushbu o‘yinda mehmonlar asosan o‘ng qanotdan hujum qildi va himoyaga ko‘proq e’tibor qaratdi. Sofascore nashri Abbosbek Fayzullayevning o‘yiniga 6,9 ball berdi.
Fransiya chempionati
8-tur
19-oktyabr, shanba
“Sent-Eten” — “Lans” 0:2
Gollar: 0:1 – 20 Frankovski, 0:2 – 79 Labo-Laskari.
“Sent-Eten”: Larsonner, Petro, Nade, Abdelxamid (Batubinsika, 82), Appia, Amugu (Boaki, 68), Ekva, Mueffek (Bushuari, 68), Kafaro (Muton, 68), Davitashvili, Sissoko (Stassen, 74).
“Lans”: Samba, Medina (Sarr, 73), Danzo, Abduqodir Husanov, Fyuljeni (Mendi, 73), Sotoka (Said, 90), Chaves (Puyi, 90), Diuf, Tomasson, Frankovski, Nzola (Labo-Laskari, 64).
Ogohlantirishlar: Medina (31), Nzola (56), Amugu (61).
RPL
12-tur
19-oktyabr, shanba
“Dinamo” — “SSKA” 0:1
Gol: 0:1 – 56 Musayev.
Dinamo: Maxachqal’a – Volk, Tabidze, Shumaxov, Palsev, Djapo (Serderov, 78), Kagermazov, Glushkov (Zinovich, 80), Mrezigu, Kasintura, Agalarov (Xosseynnejad, 78), Gadjiyev (Magomedov, 71).
“SSKA”: Akinfeyev, Moyzes, Villian, Diveyev, Kislyak (Pyanich, 71), Zdelar, Krugovoy, Xelven, Fayzullayev (Guarirapa, 70), Oblyakov, Musayev.
