Yevropa futbol klublari va FIFPro (professional futbolchilar vakillarini birlashtirgan global tashkilot) rahbarlari birlashib, FIFA rahbariyati ustidan monopoliyaga qarshi organga shikoyat qildi.
Manbaga ko‘ra, FIFPro va Yevropaning 37 ligasi birgalikda Bryusseldagi Yevrokomissiyaga shikoyat arizasi bilan murojaat qilgan, unda ular jahon futbolining boshqaruv organi FIFA turnir tashkilotchisi sifatida o‘z vakolatlarini suiiste’mol qilayotgani va futbolchilarning salomatligi haqida qayg‘urmasligini da’vo qilgan. Bu ish mehnat qonunlari va futbolchilarning dam olish huquqiga zid. Uyushmaning maqsadlaridan biri o‘yinchilarni sog‘lomlashtirish uchun majburiy dam olish davrini — yiliga 3-4 hafta qilib belgilashdir.
Ma’lumot uchun, so‘nggi oylarda tig‘iz futbol taqvimi mavzusi juda keskin fikrlar bildirilmoqda. O‘tgan oy “Manchester Siti” yarim himoyachisi Rodri o‘yinchilar bu muammo sabab ish tashlashga yaqin turganini aytgan edi.
