Janubiy Afrikani 21-sentyabr kuni kuchli qor qopladi. Ayrim hududlarda qor qalinligi ikki metrni tashkil qildi. Bu haqda Africa Facts Zone xabar berdi.
Noqulay ob-havo tufayli yo‘llarda yirik tirbandliklar kuzatilgan. Ayrim yo‘llardagi transport harakati to‘sib qo‘yilgan. Odamlar mashinalarda qolib ketgan. Yohannesburgni sharqiy sohildagi Durban shahri bilan bog‘lovchi N3 asosiy magistrali eng ko‘p zarar ko‘rdi. Rasmiylar hatto aylanma yo‘llar ham o‘tib bo‘lmas holatga kelganini aytdi.
Favqulodda xizmatlar tuni bilan odamlarni transport vositalaridan qutqarishga harakat qildi. Hozircha jabrlanganlar soni va ularning ahvoli noma’lum. Sinoptiklar yanada kuchli qor yog‘ishini prognoz qilmoqda.
Izoh (0)