Fransiya poytaxti Parij shahrida 2024-yilgi Paralimpiya o‘yinlarida qatnashgan Kongo terma jamoasi ikki vakilining g‘oyib bo‘lgani bo‘yicha tergov boshlandi.
![](/static/2024/09/11/UVAYPMKX2VGYHLH2OAFQ4KDTR4-W_5i2dmI.jpg)
Gap nayza uloqtiruvchi Mirey Nganga, sprinter Greys Muambaka, shuningdek, uning yo‘lboshchisi haqida ketmoqda. Kongo delegatsiyasi rahbarining so‘zlariga ko‘ra, sportchilar Paralimpiya qishlog‘ida oxirgi marta 5-sentyabr kuni ko‘rinish bergan. Shundan so‘ng sportchilar aloqaga chiqmagan.
Paralimpiya o‘yinlari 8 sentyabr kuni yakuniga yetdi.
Eslatib o‘tamiz, Nganga Paralimpiya o‘yinlari ochilishida milliy terma jamoa bayroqdori bo‘lgan edi. Sportchining harakati cheklangan va u nogironlar aravachasidan foydalanadi. Muambakda ko‘rish bilan bog‘liq muammo bor.
Ayni damda prokuratura paralimpiyachilarning g‘oyib bo‘lganini tekshirmoqda. Turli versiyalar ko‘rib chiqilmoqda, jumladan, rasmiylar sportchilarning qochishi avvaldan rejalashtiriganini istisno qilmayapti.
Izoh (0)