O‘zbekiston vaqti bilan 4-avgust tongida AQSHning Los-Anjeles shahrida katta professional boks oqshomi tashkil etildi.
Ushbu oqshomning markaziy jangida Isroil Madrimov hamda amerikalik Terens Krouford birinchi o‘rta vazn toifasida WBA kamari uchun to‘qnash keldi. Krouford yakunda ochkolar evaziga g‘alaba qozondi.
Madrimov ushbu jangdan so‘ng revansh talab qilishini ma’lum qildi.
“U deyarli barcha janglarni nokaut bilan yutgan. Men oxirigacha munosib jang qildim va g‘alaba qozondim deb o‘ylayman.
Men revansh istayman. Janob Turki al Sheyxdan revansh tashkil etishni so‘rayman. Men jangni nazorat qildim va buni barcha ko‘rdi. Bundan buyon ham shu tempda ishtirok etishga harakat qilaman.
To‘g‘ri, Terens dunyoning eng zo‘r bokschisi. Men esa 10 ta jang o‘tkazganman. Lekin munosib jang qildim deb o‘ylayman. Meni qo‘llab-quvvatlagan barchaga rahmat. Inshaalloh yanada kuchli bo‘lib qaytaman”, — deydi Isroil.
