Falastinning HAMAS harakati siyosiy byurosi rahbari Ismoil Haniya Erondagi vidolashuv marosimidan so‘ng 2-avgust kuni Qatarda dafn etiladi.
Avvalroq Falastinning HAMAS harakati Isroilning Eron poytaxtidagi qarorgohiga uyushtirgan zarbasi natijasida Haniya halok bo‘lganini xabar qilgan edi.
Ismoil Haniya bilan rasmiy vidolashuv marosimi 1-avgust kuni Tehronda bo‘lib o‘tadi. Shundan so‘ng jasad Qatar poytaxti Dohaga yetkazilgach, Lusayl shahrida 2-avgust kuni dafn etiladi, deyiladi HAMAS matbuoti bayonotida.
Dohadagi vidolashuv marosimida, HAMASning aniqlik kiritishicha, arab va islom yetakchilari, shuningdek, Falastin fraksiyalari a’zolari ishtirok etadi.
Eronning yangi prezidenti Mas’ud Pezeshkiyon HAMAS siyosiy yetakchisi o‘ldirilishini qoralab, Eron “o‘zining hududiy yaxlitligini himoya qilishini” aytgan. Tehronda uch kunlik motam e’lon qilindi.
Shuningdek, u “terrorchi bosqinchilar o‘zlarining qo‘rqoqlik harakatlaridan pushaymon bo‘lishlarini” bildirgan. Eron oliy rahnamosi Ali Xomanaiy esa Haniyaning o‘limi uchun Isroilga qarshi “keskin jazo” Tehronning burchi ekanini ta’kidlagan.
Shahid Haniya uzoq yillar adolatli kurash maydonida o‘zining qimmatli jonini o‘z qo‘liga olib, shahidlikka tayyor bo‘lib, bu yo‘lda farzandlarini, xalqini qurbon qildi. U Alloh yo‘lida shahid bo‘lib, Allohning bandalarini qutqarishdan qo‘rqmadi, lekin Islom respublikasi hududida sodir bo‘lgan voqeada uning qoni uchun qasos olishni o‘z burchimiz deb bilamiz, dedi u.
Izoh (0)