AQSH hukumati savdo kelishuvi doirasida Saudiya Arabistoniga 2,8 milliard dollarlik qurol yetkazib beradi. Bu haqda AQSH Davlat departamenti bayonotiga asoslanib, Al Arabiya nashri xabar berdi.
Manbada aytilishicha, AQSH Davlat departamenti uzoq muddat muhokama qilingan harbiy savdo paketini tasdiqlagan. Kelishuv doirasida Saudiya hukumatiga yangi texnikalar topshirilishi bildirilgan.
Rasmiylar 2,8 milliard dollarlik shartnomada tizimli logistika va barqaror harbiy taʼminot qurilmalari yetkazib berilishi ko‘zda tutilganini bildirgan. Kelgusida bu kabi shartnomalar ko‘payishi ham aytilgan.
23-iyul kuni eʼlon qilingan Pentagon bayonotiga ko‘ra, so‘nggi savdo paketi Saudiya Arabistonining hozirgi va kelajakdagi tahdidlarni oldini olish qobiliyatini oshiradi. Mamlakat uchun harbiy izlanishlar olib borish imkoniyatlarini paydo qiladi.
“Taklif etilayotgan savdo paketi Saudiya Arabistoni Qirollik havo kuchlarining mavjud platformalari va havo kemalari parklarini moddiy taʼminlash va o‘qitishni orqali mamlakatning joriy va kelajakdagi tahdidlarni oldini olish qobiliyatini yaxshilaydi”, deyiladi bayonotda.
AQSH va Saudiya Arabistoni rasmiylari harbiy paketning batafsil tafsilotlarini eʼlon qilmagan. Aynan qanday turdagi texnika va qurollar yetkazib berilishi ham ochiqlanmagan.
Izoh (0)