“Vest Hem” klubi Ngolo Kanteni “Al-Ittihod”dan 20 million funtga sotib olish niyatida.
Fransiya terma jamoasining 33 yoshli yarim himoyachisi Ngolo Kante Saudiya Arabistonida bir mavsum o‘ynagandi. Bungacha u “Chelsi”da to‘p surgan.
The Guardian nashrining yozishicha, tomonlar o‘rtasida muzokaralar olib borilmoqda.
Kantening o‘zi hozirgi jamoasida o‘ynashdan xursandligini va ayni daqiqalarda u Londonga qaytishga tayyor ekanini bildirgan.
Qayd etilishicha, “Vest Hem”ning yangi bosh murabbiyi Xulen Lopetegi “Real”da ishlagan vaqtida ham fransiyalik futbolchi bilan hamkorlik qilish niyat borligini aytgan. Shuning uchun ham uni yangi jamoasiga taklif qilish niyatida.
Kante Fransiya terma jamoasi safida Yevro-2024 musobaqasini muvaffaqiyatli o‘tkazdi va jamoasining eng asosiy o‘yinchilaridan biriga aylandi.
O‘tgan mavsumda “Al-Ittihod” jamoasida 30 o‘yin o‘tkazgan futbolchi 2 marta raqiblar darvozasiga to‘p kiritdi.
- Kante 2015-yilda “Lester”ga ko‘chib o‘tganidan so‘ng Angliyada sakkiz yil o‘ynadi.
- U 2016-yilda Premyer Ligada g‘alaba qozonib, dunyoni larzaga keltirgan “tulkilar” jamoasining muhim a’zosi bo‘ldi.
- “Chelsi” klubi bilan Chempionlar Ligasi, Angliya Kubogi va Yevropa Ligasida g‘olib chiqdi.
- U 2016—2017-yilgi mavsumda Premyer Liga tomonidan yilning eng yaxshi futbolchisi deb topildi.
Izoh (0)