Chili shimolida 18-iyul kuni 7,3 magnitudali zilzila yuz bergan. Bu haqda Reuters nashri xabar berdi.
Yevropa va O‘rta Yer dengizi seysmologiya markazi zilzila haqidagi xabarni tasdiqlagan. Yer silkinishi And platosining g‘arbiy bo‘lmasida yuzaga kelgan.
Zilzilaning maksimal kuchi Chilining Antofagasta hududida kuzatilgan. Konchilik va maʼdan qazib olishga ixtisoslashgan mazkur hududda infratuzilmaga qisman shikast yetgan.
Chili milliy ofatlarning oldini olish va ularga javob berish xizmati (SENAPRED) maʼlumotlariga ko‘ra, zilzila haqida AQSH oldindan maʼlum qilgan. Joylarda tabiiy ofatga qarshi tayyorgarlik ko‘rilgan.
Hukumatning ayrim rasmiylari fuqarolarni sunami xavfidan ogohlantirgan. Biroq AQSHning sunamilar haqida ogohlantirish markazi San Pedro de Atakamadan 20 kilometr janubda joylashgan zilzila oqibatida sunami xavfi yuzaga kelmaganini bildirgan.
“Ushbu zilzila natijasida insonlarga yetgan zarar ko‘lami, infratuzilmaga yetkazilgan talafot tekshirilmoqda. Hozircha katta yo‘qotish haqida xabarlar yo‘q, ammo guruhlar hududdagi vaziyat haqida maʼlumot to‘plamoqda”, degan Chili prezidenti Gabriel Borik mamlakat fuqarolari uchun eʼlon qilgan bayonotida.
Manbada aytilishicha, Chilida kamdan kam kuzatiladigan zilzilalar asosan “Olov halqasi” deb nomlangan shimoliy hududda kuzatiladi. So‘nggi paytlarda bu seysmik mintaqada joylashgan Tarapaka va Kalama aholi punktlarida bir qancha past tebranishli zilzilalar sezilgan.
Izoh (0)