Soliq qo‘mitasi tomonidan O‘zbekistonda ishlab chiqarish korxonalarining soliq qarzdorligi haqida ma’lumot berildi.
Xabarga ko‘ra, 2024-yil 1-iyul holatiga soliq qarzi 100 million so‘mdan yuqori ishlab chiqarish korxonalari 793 ta, ularning jami qarzdorligi 1 242,8 milliard so‘m. Shundan 385,8 milliard so‘mi, ya’ni 31 foizi soliq qarzi eng ko‘p bo‘lgan 10 ta korxona hisobiga to‘g‘ri keladi.
Hududlar kesimida ishlab chiqarish korxonalarining soliq qarzdorligi ko‘rsatkichlari top-3 taligi:
- Yirik soliq to‘lovchilar bo‘yicha HSI — 771,7 mlrd so‘m;
- Toshkent shahri — 129,4 mlrd so‘m;
- Toshkent viloyati — 74,8 mlrd so‘m.
2024-yil 1-aprel holatiga ishlab chiqarish sohasida soliq qarzi (100 million so‘mdan yuqori) mavjud korxonalar soni 742 ta bo‘lib, ularning jami qarzdorligi — 932,4 milliard so‘m. Shundan 355,1 milliard so‘mi, ya’ni 38,1 foizi soliq qarzi eng ko‘p bo‘lgan 10 ta korxona hisobiga to‘g‘ri kelgan.
Izoh (0)