O‘zbekistonda soliqlarning ixtiyoriy to‘lanish darajasi 96 foizni tashkil etdi, deb xabar bermoqda Soliq qo‘mitasi axborot xizmati.
Ma’lum qilinishicha, 2024-yil II chorakda respublika miqyosida yuridik va jismoniy shaxslar tomonidan soliq majburiyatlarining ixtiyoriy bajarilishi 96 foizni tashkil etdi. Bu borada eng yaxshi ko‘rsatkich yirik soliq to‘lovchilar bo‘yicha hududlararo soliq inspeksiyasida qayd etildi – 98 foiz. Ko‘rsatkich:
Qoraqalpog‘iston Respublikasi, Andijon, Buxoro, Jizzax, Namangan, Surxondaryo va Xorazm viloyatlari hamda Toshkent shahrida – 96 foiz;
Qashqadaryo, Navoiy, Samarqand, Sirdaryo, Toshkent va Farg‘ona
viloyatlarida – 95 foiz.
Soliq turlari kesimida:
- yer qa’ridan foydalanganlik uchun soliq – 99 foiz;
- aksiz solig‘i – 98 foiz;
- QQS – 97 foiz;
- foyda solig‘i – 96 foiz;
- AOS – 96 foiz;
- JSHODS – 96 foiz;
- mol-mulk solig‘i – 95 foiz;
- yer solig‘i – 95 foiz;
- suv resurslaridan foydalanganlik uchun soliq – 92 foiz.
O‘zbekistonda yirik soliq to‘lovchilarni aniqlash mezonlari o‘zgartirilgan edi. Avvalroq O‘zbekistonda 122 ming 862 ta tashkilot 2024-yilning yanvar—may oylarida 10,6 trln so‘m miqdorda soliq imtiyozlaridan foydalangani to‘g‘risida xabar berilgandi. Shu bilan birga 2 561 ta korxona moliyaviy xizmatlar bo‘yicha 7,9 trillion so‘mdan ortiq QQSsiz operatsiyalar amalga oshirgan.
Izoh (0)