Vazirlar Mahkamasining “Hamjamiyatlarni mustahkamlash va ijtimoiy farovonlikni rivojlantirish markazini tashkil etish to‘g‘risida”gi qarori qabul qilindi.
![](/static/2024/Fozilbek/photo_2023-07-17_14-23-13as3.jpg)
Prezident huzuridagi Ijtimoiy himoya milliy agentligi hamda Kolumbiya universitetining Ijtimoiy ish maktabi (AQSH) taʼsischiligida Hamjamiyatlarni mustahkamlash va ijtimoiy farovonlikni rivojlantirish markazi tashkil etilmoqda.
Markazning asosiy vazifalari:
- ijtimoiy himoya va aholining ruhiy salomatligi sohasidagi muammolarni tadqiq etish hamda hal qilishga qaratilgan takliflar ishlab chiqish;
- ijtimoiy ish sohasida xalqaro standartlar talablariga mos keluvchi akademik tizimni joriy etish va mustahkamlash;
- ijtimoiy himoya muammolarini hal etishga qaratilgan dasturlarni ishlab chiqish va ishga tushirish.
Markaz faoliyatini qo‘llab-quvvatlash uchun Kolumbiya universitetida tegishli bo‘lim tashkil etiladi.
Bundan tashqari, “Aqlvoy” telekanaliga agentlikning buyurtmasiga asosan efir vaqtining 7 foiz qismiga ijtimoiy roliklarni bepul joylashtirish vazifasi yuklatilmoqda.
Hujjat Qonun hujjatlari maʼlumotlari milliy bazasida eʼlon qilingan va 2024-yil 25-iyundan kuchga kirdi.
Avvalroq “Koreya xalqaro hamkorlik agentligi (KOICA) granti asosida milliy texnik malakani baholash va malaka oshirish markazi faoliyatini tashkil etish chora-tadbirlari to‘g‘risida”gi Vazirlar Mahkamasi qarori qabul qilingani to‘g‘risida xabar berilgandi.