Madridning “Real” klubi va Ispaniya terma jamoasi himoyachisi Daniel Karvaxal kelgusi mavsum oxirida “qirollik klubi”ni tark etishi mumkin. Bu haqda AS xabar bermoqda.
Manbaga ko‘ra, klub haligacha himoyachi bilan kelasi yilning yozida tugaydigan shartnomani uzaytirmadi. “Real” Karvaxal bilan kelishuvga erishmasa, uning o‘rnini to‘ldirishi mumkin bo‘lgan nomzod futbolchilarni ko‘rib chiqmoqda.
Qayd etilishicha, rahbariyat marokashlik Ashraf Hakimini “PSJ”dan Madrid klubiga qaytarish uchun aloqaga chiqqan. Yana bir nomzod — “Chelsi” himoyachisi Ris Jeyms.
- Ma’lumot uchun, Karvaxal “Real Madrid” tarbiyalanuvchisi hisoblanadi. 2012—2013-yilgi mavsumda ispaniyalik futbolchi Leverkuzenning “Bayer” klubida ijara asosida o‘ynagan.
- 2013-yildan buyon Daniel “Real”ning asosiy jamoasida o‘ynamoqda.
- O‘tgan mavsumda u klub safida barcha turnirlarda 41 ta o‘yinda maydonga tushib, 6 ta gol va 5 ta golli uzatmaga mualliflik qilgan.
Izoh (0)