UFC prezidenti Dana Uayt 22-iyun kuni bo‘lib o‘tadigan turnirda Hamzat Chimayevning Avstraliya vakili Robert Uittakerga qarshi jangdan voz kechgani haqida bayonot berdi. Chimayev kasalxonaga yotqizilgani avvalroq xabar qilingandi.
“Afsuski, Hamzat Chimayev Saudiya Arabistonida kelasi dam olish kunlaridagi jangda qatnashmaydi, u qattiq kasal, shuning uchun u uyiga qaytadi va umid qilamanki, tez orada tuzalib ketadi”, — deya Uayt so‘zlarini keltirgan BJ Penn.
Avvalroq, rossiyalik aralash yakkakurash jangchisi Ikram Aliskerov Avstraliya vakili Uittaker bilan jangda Chimayev o‘rnini egallashi xabar qilingandi.
Chimayev aralash yakkakurashlar (MMA) da jami 13 ta jang o‘tkazib, ularning hammasida g‘alaba qozongan. Chimayev oltita jangni muddatidan avval yakunlagan.
Izoh (0)