Bank tadbirkorlar uchun mo‘ljallangan innovatsion onlayn mahsulotlarni ishga tushirdi.
2024-yil 12—13-iyun kunlari Toshkentda Digital Uzbekistan-2024 4-Xalqaro PLUS-Forumi bo‘lib o‘tdi. Dunyoning 30 mamlakatidan davlat idoralari, bank sektori va chakana savdo sohasidan 120 dan ortiq maʼruzachilar va 2500 ekspertlarni jamlagan tadbirda “Tenge Bank” ATB ham ishtirok etdi, u yerda Ernst & Young kompaniyasining maslahatchilari bilan birgalikda ishlab chiqilgan biznes uchun yangi onlayn mahsulotlar korporativ biznes departamenti direktori Bayan Abildayeva tomonidan taqdim etildi.
Tenge Bank PLUS Galaxy Award tanlovi doirasida “Biznes uchun eng yaxshi mobil bank” mukofotiga sazovor bo‘lgan Tenge Business mobil ilovasi bank bilan jarayonni sezilarli darajada yengillashtirishga yordam beradigan onlayn biznes mahsulotlari qatorini kengaytirdi.
“Tenge Bankda kichik va o‘rta biznes segmentining o‘sish nuqtalaridan biri bu biznes uchun moliyaviy xizmatlar ko‘rsatish sohasida muhim yutuq bo‘lgan innovatsion yechimlar loyihasidir. Biz Tenge Bankda raqamli mahsulotlarni joriy qilishda texnologiyalarimiz, tajribamiz va bilimlarimizni qo‘llashdan mamnunmiz”, – taʼkidladi Halyk Bank boshqaruv raisi o‘rinbosari Dauren Sartayev.
Tenge Business ilovasidagi yangi raqamli mahsulotlar tadbirkorlar uchun onlayn hisob raqamini ochish, mablag‘larni masofadan boshqarish va yakka tartibdagi tadbirkorlar uchun bank bo‘limiga tashrif buyurmasdan va hujjatlarni taqdim qilmasdan miqdori 300 million so‘mgacha, muddati 9 oydan 18 oygacha bo‘lgan kredit olish imkonini beradi.
Yangiliklarni sharhlar ekan, korporativ biznes departamenti direktori Bayan Abildayeva yangi xizmat yordamida raqamli onboarding va kreditlashning butun jarayoni bir soatdan ko‘proq davom etmasligini taʼkidladi.
Yakka tartibdagi tadbirkorlar uchun kredit endi onlayn formatda mavjud bo‘lib, garov taʼminoti va foydalanish maqsadini tasdiqlamasdan taqdim etiladi.
Tenge Bankning yangi onlayn mahsulotlaridan foydalanish uchun quyidagilar zarur:
- Qurilmangizga Tenge Business mobil ilovasini yuklash va o‘rnatish;
- Identifikatsiyadan o‘tish va hisobraqamni ochish, so‘ngra kredit olish uchun ariza berish.
Tenge Business ilovasini quyidagi havola orqali yuklab olish mumkin.
Tenge Bank zamonaviy bank texnologiyalaridan foydalangan holda barcha toifadagi korporativ vachakana mijozlarga moliyaviy xizmatlar ko'rsatadigan universal bankdir. Bank Qozog‘iston Xalq Bankining (Halyk Bank) sho’ba korxonasi hisoblanadi.
Halyk Bank Qozog'istondagi eng yirik tizimni tashkil etuvchi banklardan biri bo'lib, Halyk Group tarkibiga kiradi va Markaziy Osiyodagi yetakchi moliya institutlaridan biri bo'lib, keng mijozlar bazasi va mavjudlik tarmog'iga ega.
Halyk Group chakana va korporativ mijozlarga, kichik va o‘rta biznesga bank xizmatlarining to‘liq spektrini, shuningdek, sug‘urta, lizing, brokerlik va aktivlarni boshqarish xizmatlarini taklif etadi. Halyk Group Gruziya va O‘zbekistonda ham faoliyat yuritadi.
E-mail: info@tengebank.uz
Sayt: tengebank.uz
Facebook: fb.com/tengebank.uz
Instagram: @tengebankuz
Telegram: t.me/Tengebankuz
Izoh (0)