Bollivud olami xuddi ertak kabi: hind filmlarida yaxshilik doimo yovuzlik ustidan g‘alaba qozonadi, tomoshabin cheksiz qo‘shiq va raqslar, ko‘z yosh va kulgilarga boy ajoyib syujetdan bahramand bo‘ladi. Hindistonda butun dunyoda e’tirof etilgan ko‘plab aktyor va aktrisalar yetishib chiqqan. Ammo ba’zi san’atkorlar yo adashib, yoki noto‘g‘ri qaror qilib, o‘z karyerasini barbod qilgan. Quyida Gollivuddagi martabasini yo‘qotgan mashhurlar haqida so‘zlashamiz.
Mandakini
Maftunkor Mandakini serqirra ijodkorlik va aktyorlik mahorati bilan tanilgan mashhur aktrisa edi. O‘zining 6 yil davom etgan qisqa faoliyati davomida ko‘plab filmlarda rol ijro etdi va hind kinosida o‘chmas iz qoldirdi.
Biroq uning jinoyat olami vakili bilan tushgan birgina surati internetda tarqalib ketdi va shov-shuvlarga sabab bo‘ldi. Buning ustiga mafioz erkak uylangan edi. Mandakini u bilan faqat do‘st ekanini ta’kidlasa-da, uning so‘zlariga hech kim ishonmadi. Shu kundan boshlab aktrisaning kino sanoatidagi karyerasi qulay boshladi.
Shakti Kapur
Shakti Kapur 90-yillarda namoyish etilgan ko‘plab filmlarida salbiy va komedik qahramonlarni gavdalantirgan. Uning kino sanoatidagi faoliyati 2005-yilda eng cho‘qqisiga yetgan edi.
Ammo hind televideniyesi tomonidan aktyor ustidan tekshiruv operatsiyalarni o‘tkazilgach, Shakti Kapur kinoda rol evaziga qizlardan axloqqa zid ishlarni bajarishni talab qilgani ma’lum bo‘ldi. shou-biznesda bo‘lib o‘tgan katta janjaldan so‘ng aktyorning kinodagi faoliyati butunlay barbod bo‘ldi.
Mamta Kulkarni
-XiYjtKIc.jpeg)
Mamta Kulkarni bir vaqtlar nafaqat rejissyorlarning, balki butun hind xalqining sevimli aktrisasi edi U Govinda, Shohrux Xon, Sunil Shetti va Salmon Xon kabi mashhur aktyorlar bilan filmlarda suratga tushdi.
Go‘zal aktrisa avvaliga ochiq kiyimlari yoki fotosuratlari bilan tomoshabinlar e’tiroziga sabab bo‘ldi. So‘ng mumbaylik giyohvand moddalar sotuvi bilan shug‘ullanuvchi Vikram Gosvami bilan aloqasi fosh bo‘lgach, Mamta Kulkarnining karyerasi jarlikka quladi.
Vivek Oberoy
Aishvariya Ray va Vivek Oberoy “Xo‘sh, baribir sevib qoldingmi” filmini suratga olish jarayonida bir-biriga ko‘ngil qo‘ygani hech kimga sir emas. Ularning munosabatlariga Aishvariyaning sobiq sevgilisi Salmon Xon sababli nuqta qo‘yildi.
Vivek Oberoy karyerasining yakun topishiga matbuot anjumanida Salmon Xonning unga qilgan barcha tahdidli qo‘ng‘iroqlari haqida ochiq so‘zlab berishi va u bilan janjallashishi sabab bo‘ldi. Vivek mashhur rejissyorlardan yaxshi rollar olmasligi uchun Salmon Xon qo‘lidan kelgan barcha ishlarni qildi va buning uddasidan chiqdi.
Manisha Koyrala
Pahadi qabilasining go‘zal farzandi va Nepalning 22-Bosh vaziri Bisveshvar Prasad Koiralaning nabirasi Manisha nufuzli oilada tavallud topdi. Uning go‘zalligi va aktyorlik mahorati Bollivudda bir zumda muvaffaqiyat qozonishiga sabab bo‘ldi. Afsuski, “Bir qarashda sevgi”, “Bombey” kabi katta filmlarda ishtirok etganiga qaramay, spirtli ichimliklarga ruju qo‘ygani tufayli Manisha kino sanoatidan g‘oyib bo‘ldi.
Fardin Xon
Hindistonlik kinorejissyor o‘g‘li Fardin Xon bir vaqtlar tomoshabinlarning eng sevimli va kelishgan aktyorlaridan biri edi. U “Kirish man etiladi”, “Angara klubining boshlig‘i”, “Murabbiy” kabi filmlarda Om Puri, Amitabx Bachchan va Karina Kapur kabi Bollivud yulduzlari bilan ajoyib obrazlarni gavdalantirgan.
Biroq 2001-yil may oyida Fardin Xon va unga narkotik moddalar sotgan diler Nasiomr Shayx politsiya tomonidan hibsga olindi. Huquq-tartibot idoralari aktyorda 9 gramm giyohvandlik moddasi bo‘lganini da’vo qilishdi. Shu kabi xabarlar va giyohvand moddalarga ruju qo‘yishi sababli Fardin Xon kinolarda chiqishni to‘xtatdi.
Izoh (0)