Super yarim o‘rta vazn toifasidagi o‘zbekistonlik professional bokschi Qudratillo Abduqahhorov (20-3-0) AQSHning Texas shtatida navbatdagi jangini o‘tkazdi.
Unga Gran-pri ko‘rinishidagi OTX turnirining 1/4 finalida gretsiyalik Andres Katsurakis (13-0-0) raqiblik qildi.
O‘n raundga mo‘ljallangan jang to‘liq davom etdi va unda o‘zbekistonlik charm qo‘lqop ustasi ochkolar hisobiga ko‘ra imkoniyatni boy berdi. Hakamlar 95-95, 99-92, 94-94 hisobidagi g‘alabani Andresga berishdi.
Jang davomida Qudratillo ustunlikka erishgandi. Ammo hakamlarning yakuniy qarori boshqacha bo‘lib chiqdi. Grek bokschisi turnirning 1/2 finaliga yo‘l oldi.
Havaskor boksda 250 ta jang o‘tkazgan bokschi 200 ta jangda g‘alaba qozongan. Qudratillo 2015-yildan beri professional janglarda qatnashib kelmoqda.
