Moskva va Kiyev o‘rtasidagi mahbuslar almashinuvi “Ukrainaning uzoq talablari” tufayli to‘xtatildi. Bu haqda RF Inson huquqlari bo‘yicha komissari Tatyana Moskalkova xabar berdi.
Afsuski, bir necha oydan beri doimiy ravishda yangi talablarni ilgari surayotgan Ukraina tufayli asirlar almashinuvi to‘xtatildi, — deydi ombudsman.
Uning qo‘shimcha qilishicha, Moskva Xalqaro Qizil Xoch jamiyati va Ukraina Ombudsmani bilan aloqada. Erishilgan so‘nggi kelishuv uydan jo‘natma va xatlarni mahbuslarga o‘tkazish bo‘lgan. Moskalkovaning tushuntirishicha, bunday gumanitar koridor Rossiya hukumati tomonidan qo‘llab-quvvatlanadi.
“100-100 formula”si bo‘yicha so‘nggi mahbuslar almashinuvi Birlashgan Arab Amirliklari vositachiligida joriy yilning fevralida bo‘lib o‘tgan edi. Bu Belgorod yaqinida Il-76 samolyoti halokatga uchraganidan keyin ikkinchi mahbuslar almashinuvi bo‘lgan.
207 nafar harbiy xizmatchi 24-yanvar kuni topshirilishi kerak edi. Ular orasida Il-76 da halok bo‘lgan 65 kishining hech biri yo‘q edi, — deydi Ukraina harbiy asirlar masalalarini muvofiqlashtirish shtabining vakili Pyotr Yatsenko.
Rossiya prezidenti Vladimir Putin samolyot halokatiga qaramay, Rossiya va Ukraina o‘rtasida asirlar almashinuvi davom etishini ma’lum qilgan.
Almashinuvni to‘xtatmaymiz, biz harbiylarimizni qaytarib olishimiz kerak, — dedi Putin.
Izoh (0)