Ijtimoiy tarmoqlarda Andijon viloyati Paxtaobod tumani tez tibbiy yordam markazidagi lift ishlamasligi sabab og‘ir holatda kelgan bemorlar qiynalib zinapoyalardan yuqoriga olib chiqilayotgani aks etgan video tarqalgan edi.
Muassasaning texnik ishlar bo‘yicha mutaxassisi bormi o‘zi? Agar bor bo‘lsa, nima uchun bu narsaga e’tibor qaratmayapti?
Yuqori turuvchi organlar bu holatni nazoratga olishlarini va mana shu ishlarga javobgar shaxslarga nisbatan jiddiyroq chora ko‘rishlarini so‘rab qolamiz, — deyiladi videomurojaatda.
Holat yuzasidan Andijon viloyati sog‘liqni saqlash boshqarmasi axborot xizmatining “Daryo”ga ma’lum qilishicha, bemor kelgan vaqtda bo‘limdagi elektr tizimida vaqtincha nosozlik bo‘lgani sababli lift vaqtincha ishlamay qolgan.
Shu sababli bemorni terapiya bo‘limiga zambilda olib chiqishga to‘g‘ri kelgan.
Liftdagi kamchiliklarni bartaraf qilib, liftni ishlatish maqsadida mutaxassislar jalb qilinib, kamchiliklar bartaraf qilindi va liftning ishlashi yo‘lga qo‘yildi, — deyiladi boshqarma izohida.
Izoh (0)