Norvegiya hukumati 29-maydan boshlab sayyohlik va boshqa muhim bo‘lmagan maqsadlarda kelgan Rossiya fuqarolariga mamlakatga kirish taqiqlanishini ma’lum qildi. Bu haqda Reuters xabar berdi.
Taqiq Norvegiya turistik vizasini olishga muvaffaq bo‘lgan Rossiya fuqarolariga ham va boshqa Shengen davlati tomonidan berilgan vizaga ega bo‘lganlarga ham tegishli.
Hukumat Norvegiyada yashovchi ota-onalari, turmush o‘rtoqlari yoki farzandlarini ziyorat qilish uchun kelgan, shuningdek, Norvegiya yoki boshqa Shengen mamlakatlariga ishlash yoki o‘qish uchun sayohat qilgan rossiyaliklar uchun istisnolar qilishlarini ta’kidlagan.
Yevropa Ittifoqining bir qator davlatlari — Finlyandiya, Estoniya, Latviya, Litva, Polsha va Chexiya ham rossiyaliklarga turizm maqsadida tashqi chegara orqali kirishni taqiqlagan.
Izoh (0)