Italiya mudofaa vaziri Gvido Krozetto 21-may kuni yig‘ilishda tobi qochib, kasalxonaga yotqizildi. Bu haqda Rai News xabar berdi.
Amaldor Italiya oliy mudofaa kengashi yig‘ilishini erta tark etishga majbur bo‘lgan, shundan so‘ng u San-Karlo-di-Nansi kasalxonasining tez yordam bo‘limiga olib ketilgan. Fevral oyida Italiya mudofaa vaziri aynan shu muassasaga perikardit bilan yotqizilgandi, shundan so‘ng u kasalxonaning kardiologiya markaziga ko‘chirilgan.
Tekshiruv davomida Krozettoda perikarditning yengil shakli borligi tasdiqlangan, biroq yurakka zarar yetgani tasdiqlanmagan, — deyiladi xabarda.
Krozetto avval ham yurak bilan bog‘liq muammolarga duch kelgan. Biroq, bu jarrohlik aralashuvini talab qilmagan. Oxirgi marta uning o‘zi ko‘krak qafasidagi og‘riqlardan shikoyat qilib shifoxonaga kelgan. U bosh vazir Jorji Melonining yaqin ittifoqchisi va uning “Italiya birodarlari” partiyasi asoschilaridan biridir.
Izoh (0)