Ispaniya La Ligasining 36-turidan o‘rin olgan “Real” va “Alaves” jamoalari o‘rtasidagi uchrashuv yakuniga yetdi. O‘yin 5:0 hisobida madridliklar foydasiga hal bo‘ldi.
Gollardan birini hujumkor yarim himoyachi Jud Bellingem kiritdi, uning uchun bu gol Ispaniya chempionatining joriy mavsumidagi 19-goliga aylandi.
Shu tariqa yarim himoyachi inglizlar orasida Ispaniya chempionatida gol urish bo‘yicha rekordga yaqinlashdi. Turnir tarixida faqat Gari Lineker bir mavsumda Bellingemdan ko‘proq gol urgan. Mashhur forvard 1986—1987-yilgi mavsumda “Barselona” safida 20 ta gol urgan.
Eslatib o‘tamiz, ushbu mavsumda Bellingem barcha turnirlarda 40 ta o‘yinda maydonga tushib, 23 ta gol va 12 ta golli uzatmani amalga oshirgan. Ispaniya La ligasida mavsumning so‘nggi ikki o‘yinida “Real Madrid”, “Vilyarreal” va “Betis” bilan to‘qnash keladi.
Izoh (0)