Rossiya hokimiyatidagi kadrlar almashinuvi prezident Vladimir Putinning Ukrainada uzoq davom etadigan urushga hamda kelajakda NATO bilan qarama-qarshilikka tayyorgarlik ko‘rayotganidan dalolat bermoqda, deya Amerika urushni o‘rganish instituti (ISW) xabar berdi.
Ekspertlarning fikricha, Belousovning mudofaa vaziri etib tayinlanishi uzoq davom etgan mojaro uchun barcha iqtisodiy sharoitlarni yaratishga qaratilgan sa’y-harakatlardagi muhim voqeadir.
Belousovning harbiy tajribasi yo‘q, ammo Shoygu ham armiyada xizmat qilish tajribasiga ega emasdi, — deydi maqola mualliflari.
ISW’ga ko‘ra, Belousovning qariyb o‘n yillik iqtisodiy rivojlanish vaziri lavozimida ishlashi va turli innovatsion loyihalarni boshqarishda ishtirok etishi, jumladan, dronlarni ishlab chiqish uni Shoygu davrida korrupsiya ayblovlari bilan duch kelgan va keskin tanqidlarga uchragan bo‘limni boshqarishga tayyorlagan.
Putin Belousov tajribasidan harbiy va iqtisodiy siyosatni birlashtirish uchun foydalanmoqchi bo‘lsa kerak. Bu sa’y-harakatlar Kremlning Ukrainada uzoq davom etadigan urushga tayyorgarlik ko‘rishda davom etayotganidan dalolat beradi, — deya xulosa qilgan ISW.
Izoh (0)