Namangan viloyati Chortoq tumanida bog‘cha rahbari bolalarni qabristonga olib bordi. Viloyat Maktabgacha va maktab ta’limi boshqarmasi holatga izoh berdi.
Ma’lum qilinishicha, holat viloyat maktabgacha va maktab ta’limi boshqarmasi boshlig‘i o‘rinbosari boshchiligidagi ishchi guruh tomonidan o‘rganildi.
Tuman maktabgacha va maktab ta’limi bo‘limi tomonidan Xotira va qadrlash kunini qay tarzda o‘tkazish bo‘yicha berilgan tavsiya xatiga qaramay, joriy yilning 8-may kuni mazkur maskan rahbari, tadbirkor tomonidan 17 nafar tarbiyalanuvchi “Tol mozor” qabristoniga ziyorat qilish uchun olib borilgani aniqlandi.
Ushbu holat “Iftixor” MFY raisi, bir qator nuroniylar hamda 20 nafar tarbiyalanuvchilarning ota-onalari ishtirokida muhokama qilinib, ta’lim muassasalarida ta’lim – tarbiya jarayonlarini to‘g‘ri tashkil etish, bolaning bo‘sh vaqtini mazmunli o‘tkazishda ishlab chiqilgan maktabgacha ta’lim muassasasining davlat o‘quv dasturi doirasida amalga oshirilishi lozimligi ta’kidlandi.
O‘z vazifasiga nisbatan sovuqqonlik bilan yondashgan muassasa rahbari jiddiy ogohlantirilgan.
Izoh (0)