Qashqadaryo viloyati Ekologiya, atrof-muhitni muhofaza qilish va iqlim o‘zgarishi boshqarmasi Qarshi tuman bo‘limi xodimlari tomonidan hududda navbatdagi reyd tadbiri o‘tkazildi.
Qayd etilishicha, reyd davomida Qarshi tumani “Mang‘it” MFY hududida fuqaro O.B. tomonidan 50 bosh mayda shoxli mollarni “Yashil makon” umummilliy loyihasi doirasida ekilgan daraxt ko‘chatlari orasiga haydab, ko‘chatlarni shikastlantirgani aniqlangan.
Holat yuzasidan huquqbuzarga nisbatan Ma’muriy javobgarlik to‘g‘risidagi kodeks 79-moddasi 1-qismi bilan maʼmuriy bayonnoma rasmiylashtirilgan. O.B. BHMning 50 baravari — 17 million so‘m miqdorida jarimaga tortilgan.
Avvalroq Surxondaryo viloyatining Sherobod tumanida kuchli sel oqibatida 360 bosh qo‘y nobud bo‘lgani, “Surxon” qo‘riqxonasiga noqonuniy kirgan shaxslarga chora ko‘rilgani to‘g‘risida xabar berilgandi.
Izoh (0)