“O‘zbekiston Respublikasi Ichki ishlar vazirligi huzuridagi Jazoni ijro etish departamentining faoliyatini samarali tashkil etishga doir qo‘shimcha chora-tadbirlar to‘g‘risida”gi Vazirlar Mahkamasi qarori qabul qilindi.
Hujjat bilan Namangan viloyati Uychi tumanidagi 6-son tergov hibsxonasi hududida Jazoni ijro etish departamentining o‘quv poligonini tashkil etilishi belgilanmoqda. Uning asosiy vazifasi etib xodimlarning xizmat, jangovar, jismoniy va axloqiy-psixologik tayyorgarligini muntazam oshirib borish belgilanmoqda.
Poligonni 2025-yil 31-dekabrga qadar qurib bitirish topshirig‘i berilgan.
Shuningdek, kiritilayotgan o‘zgartirishlar bilan jazoni ijro etish muassasalarining DUKlarni tashkil etish vakolatlari bekor qilinmoqda: endilikda jazoni ijro etish muassasalari xo‘jalik yurituvchi boshqa subyektlar bilan hamkorlikda faoliyat yuritish huquqiga ega.
Hujjat Qonun hujjatlari maʼlumotlari milliy bazasida eʼlon qilingan va 2024-yil 24-apreldan kuchga kirdi.
Eslatib o‘tamiz, 2020-yilda Markaziy harbiy okrugiga qarashli Samarqand viloyatidagi “Sazagan” dala o‘quv maydoni foydalanishga topshirilgandi.
Izoh (0)