O‘z mehnatingiz bilan topilgan ilk maoshni sarflash yoqimli. Bu lahzani butun umrga eslab qolish uchun ko‘pchilik bu pulga alohida biror narsa xarid qiladi. Quyida mashhurlar o‘zining birinchi maoshini nimaga sarflagani haqida so‘zlab berdi.
Bred Pitt
Bred Pitt dizayn va arxitektura san’atiga bolaligidan qiziqadi. 2000-yillarda u turli mebel chizmalarini yaratishni boshlagan va 2010-yillarda yotoq, kreslo, stollar kabi mebellar dizayni bilan shug‘ullangan. Aktyorning noodatiy dizayndagi mebellarga bo‘lgan qiziqishi shunchalik baland ediki, u birinchi topgan yirik daromadini yangi stul va chiroq sotib olishga sarflagan:
Birinchi maoshimni olganimda, uni antiqa Craftsman stuli va Frenk Lloyd Rayt brendiga tegishli chiroqlarga sarfladim, — degan edi aktyor eski intervyulardan birida.
Jennifer Lopes
Shou-biznesdagi faoliyatining boshida Jennifer Lopes Honda xetchbek boshqargan. Unga mashina haydash yoqmas, o‘zining shaxsiy haydovchisi bo‘lishini va mashinasini yangilashni orzu qilgan hamda bo‘lajak jahon yulduzi birinchi katta maoshini mashinaga sarflagan:
Ilk gonorarim serialdagi rolim uchun berilgan edi. Unga Mercedes-Benz sotib oldim. Bu juda katta shartnoma edi. Men mashina sotib olish uchun shartnoma imzolagan sanadan 3 kun avval qaylig‘im bilan ajrashgandim. Yodimda, men dilerlik markazida yig‘lab yuborgan edim, — deb esladi Lopes.
Jorj Kluni
Gollivud aktyori Jorj Kluni karyerasining boshida ijara kvartirada do‘sti va uning buvisi bilan yashardi. Mehmondo‘stliklari uchun ularga minnatdorlik bildirish maqsadida Kluni birinchi maoshini qariya uchun yangi televizor sotib olishga sarflagan.
Men unga masofadan boshqarish pulti bor televizor sotib oldim, chunki u doim turishga va kanalni almashtirishga qiynalar edi, — dedi aktyor intervyuda.
Selena Gomes
Xonanda va aktrisa Selena Gomes Los-Anjelesga ko‘chib o‘tganida dastlab oilasi bilan ijarada yashagan. Shu sababli ilk gonorarini Selena faqat ijara haqini to‘lashga sarflaydi va o‘zini xursand qilish uchun yangi poyabzal sotib oladi. Gomes keyingi, kattaroq maoshini Louis Vuitton noutbuk sumkasiga sarflaganini aytdi.
Deniel Redkliff
Aktyor Deniel o‘zining ilk yirik gonorarini bolaligida — Garri Potterni suratga olishni boshlaganida oldi. Aktyor hayotda juda tejamkor inson bo‘lganligi uchun yirik gonorarni bank hisobiga o‘tkazdi.
Men shu vaqtga qadar biror katta xaridni amalga oshirmaganman. Hisobimda doimo pul turishi menga erkinlik beradi. Shu tufayli rol uchun o‘zim istagan filmlarni qo‘rqmay tanlayveraman.
Emma Uotson
Garri Potterning yana bir yulduzi ham pullaridan oqilona foydalanadi. Emma Uotson birinchi gonorarini foydali narsa — noutbuk sotib olishga va otasini Toskanadagi ta’tiliga sarflagan. Aktrisa keyingi gonorariga Prius mashinasini sotib olgan.
Men haydovchilik guvohnomasi va Prius mashinasini sotib oldim. Bu mashinani chiroyi emas, balki u atrof-muhitga kamroq zarar yetkazgani uchun tanladim. Mashinam ham men kabi aqlli va zerikarli, — deya hazillashdi Uotson.
Izoh (0)