MLS. “Inter Mayami” o‘zida raqibi ustidan ishonchli hisobda g‘alaba qozondi, Messidan dubl va golli uzatma (video)

MLS chempionatidan o‘rin olgan “Inter Mayami” va “Neshvill” jamoalari o‘rtasidagi uchrashuv bugun, 21-aprel tongida bo‘lib o‘tdi.

Uchrashuvning 2-daqiqasida Negri o‘z darvozasini ishg‘ol qildi va “Neshvill”ning hisobda oldinga chiqib olishiga sababchi bo‘ldi. 11-daqiqada Lionel Messi hisobni tenglashtirdi.

39-daqiqada Leoning uzatmasidan so‘ng Serxio Buskets “Inter Mayami”ning ikkinchi goliga mualliflik qildi. 81-daqiqada esa Messi penaltidan unumli foydalanib, uchrashuvdagi yakuniy golni urdi.

“Inter Mayami” ochkolari sonini 18 taga yetkazib, musobaqa jadvalida birinchi o‘rinni egallab turibdi. 

MLS

21-aprel, yakshanba

“Inter Mayami” — “Neshvill” 3:1

Gollar: 0:1 – 2 Negri (avtogol), 1:1 – 11 Messi, 2:1 – 39 Buskets, 3:1 – 81 Messi (penalti).

“Inter Mayami”: Kellender, Veygandt, Freyre, Aviles, Negri, Buskets, Gressel (Brayt, 74), Ruis, Gomes (Afonso, 41), Messi, Suares (Kremaski, 88).

“Neshvill”: Panikko (Uillis, 46), Bauer, Lovits, Maknafton (Meer, 51), Myul, Godoy (Leal, 85), Devis (Anunga, 74), Yervud (Seydich, 74), Muxtar, Serrij, Shaffelburg.

Ogohlantirishlar: Ruis (27), Veygandt (40), Maknafton (50).